Қостанай қаласы бойынша Мемлекеттік кірістер баскармасы 2021 жылдың 1 қаңтарынан бастап жалпыға бірдей декларациялау бойынша кезең-кезеңімен көшу басталғанын еске салады.
Бірінші кезеңде – 2021 жылдың 01 қаңтарынан жалпыға бірдей декларациялау аясында декларацияны ұсынады:
жауапты мемлекеттік лауазымды атқаратын тұлғалар мен олардың жұбайлары (зайыптары);
Мемлекеттік функцияларды орындауға уәкілеттік берілген тұлғалар, және олардың жұбайлары (зайыптары);
Мемлекеттік функцияларды орындауға уәкілеттік берілген тұлғаларға теңестірілген тұлғалар және олардың жұбайлары (зайыптары);
«Қазақстан Республикасындағы сайлау туралы» Қазақстан Республикасының Конституциялық Заңына және «Сыбайлас жемқорлыққа қарсы іс-қимыл туралы», «Қазақстан Республикасындағы банктер және банк қызметі туралы», «Сақтандыру қызметі туралы», «Бағалы қағаздар рыногы туралы» Қазақстан Республикасының Заңдарына сәйкес ұсыну міндеті жүктелген тұлғалар декларация тапсырады.
Екінші кезеңде – 2023 жылдың 1 қаңтарынан мемлекеттік мекемелердің қызметкерлері мен олардың жұбайлары, сондай-ақ квазимемлекеттік сектор субъектілерінің жұмыскерлері мен олардың жұбайлары үшін декларациялау;
Үшінші кезеңде – 2024 жылдың 1 қаңтарынан бастап заңды тұлғалардың басшылары мен құрылтайшылары мен олардың жұбайларын, дара кәсіпкерлер мен олардың жұбайларын декларациялау;
Төртінші кезеңде – 2025 жылдың 1 қаңтарынан бастапазаматтардың қалған категорияларын декларациялау.
Активтер мен міндеттемелер туралы декларацияны табыс ету мерзімі:
Қағаз тасымалдағышта – 2021 жылғы 15 шілдеден кешіктірмей;
Электрондық түрде – 2021 жылғы 15 қыркүйектен кешіктірмей.
Салық төлеушілер қандай есептілікті табыс етеді?
Декларациялау жүйесіне кірген кезде активтер мен міндеттемелер туралы декларация (250.00-нысан) табыс етіледі.
Кейіннен халық жыл сайын кірістері мен мүлкі туралы декларацияны (270.00-нысан) тапсыратын болады.
Активтер мен міндеттемелер туралы декларацияны табыс ету тәсілдері:
Электрондық түрде – «Салық төлеушінің кабинеті» Мемлекеттік кірістер комитетінің web-порталы (cabinet.salyk.kz), «Электрондық үкімет» порталы (egov.kz) арқылы, сондай-ақ eSalyq аzamat және (egov.kz) мобильді қосымшалары арқылы.
Қағаз түрінде – мемлекеттік кірістер органдарына келу тәртібімен немесе тапсырыс хатпен пошта арқылы.
Декларацияны тапсыру бойынша БЕЙНЕ НҰСҚАУЛЫҚТАР eSalyq azamat мобильді қосымшасы арқылыhttps://youtu.be/85OGTjBc2NE
«Салық төлеушінің кабинеті» арқылы https://youtu.be/bR4rErVR2cQ.
Жалпыға бірдей декларациялау туралы толық ақпаратты kgd.gov.kz Қазақстан Республикасы Қаржы министрлігі Мемлекеттік кірістер комитетінің сайтынан алуға болады(басты – қызметі – жалпыға бірдей декларациялау).
Қостанай қаласы бойынша мемлекеттік кірістер басқармасы